Qui èm ? (version en gascon)

Las cervesas de la Braçariá Gasconha son braçadas a Peçac ( 33) a tocar Bordèu. Que son braçadas en seguir la tradicion de las real ales britanicas mès taben dab los biais de har las cervesas « de guarda » tau com las hèn dens lo Nòrd de França.

Los nostes braçaires qu’an causit aqueths metòdes de braçatge qui ne dan pas lo mei hòrt rendement mes permeten de har béver cervesas qui an qualitats de finessa e de personalitat de las miélhers, permor deu lor caractèr artesanau e rustic.

La Braçariá Gasconha vos presenta cervesas shens ajustadèrs ni conservadors. Ne son pas passadas ni pastorizadas. L’arreborida naturau dens las botelhas produseish depòst de lhevami, pròva de la qualitat e de l’autenticitat deus nostes products.

Que poiratz, se vs’agrada, barrejar aqueth depòst dens lo vòste veire. Aqueth lhevami enhorteish lo gost de la cervesa tot en l’embrumar.

Que’ns avem defoscatat solets las nostas recèptas en nse servir deus products tradicionaus de braçariá : aiga, malt de cerealas (grans germinats corsecats de com cau), tantaravèths amarissents e aromatizats, lhevamis causits plan de com cau e espécias.

L’amenatjament de la nosta cramba de brassatge nse permet de braçar 800 litres d’un còp.

Aqueth materiau avè ja probat sa bona qualitat a l’anciana braçariá Canardou, en Perigòrd.

(Traduction : Albert CASSOU et David ESCARPIT)

Vous êtes ici : Accueil La brasserie Qui em ?